Qızıqlı äñgämälär - TRT World forumda

1nçe-2nçe dekabr’dä internet aşa uzaçaq TRT WORLD Forum-2020dä açıq utırışlardan tış, belgeçlär belän tügäräk öställär dä oyıştırılaçaq.

“Pandemiyädän soñ dön’yada xalıqara tärtip häm üzgärgän dinamikalar” iseme astında ütüçe çara qısalarındağı cıyılışlar yözlärçä säyäsätçe, êşmäkär, akademik, aktivist häm jurnalistnı qunaq itäçäk. Anda bik küp ähämiyätle global’ problema urtağa quyılaçaq. Çişeleş täq’dimnäre xalıqara cämäğat’çelekkä citkereläçäk.

Dön’yanıñ här poçmağınnan cirle häm çit il belgeçläre qatnaşaçaq tügäräk östäl utırışları qatnaşuçılarğa polifonik qaraş täq’dim itäçäk.

Üz fikerläre belän urtaqlaşaçaq qayber şäxeslärneñ isemnäre: Azärbaycan işbaşı kiñäşçese Xikmät Xaciyev, Böyekbritaniyä Kipr yuğarı komissarı Peter Millett, Awrupa Berlege Törkiyä delegaśiyäse räise Nikolaus Meyer-Landrut, Yordaniyaneñ êlekkege viśe-prem’yerı Marvan Muashär, Süriyäneñ êlekkege xökümät räise Riyad Farid Xijab, AQŞnıñ pensiyädäge ilçese Frênsis Rikkardone, Qara diñgez iq’tisadi xezmättäşlek ğomum särqatibe Asaf Xaciyev, İtaliyä xalıqara mönäsäbätlär institutı mödire Natali Toççi, Prinston universitetınnan Amaney Camal häm başqalar.