Ruxani başı tabıldı

Törkiyäneñ Denizli töbägendäge Laodikiya borınğı qalasında 2 meñ yıllıq ruxani byustı tabıldı. Älege şähärneñ tarixı bezneñ êrağa qadär 5500nçe yılğa barıp toraşa. Laodikiya YuNESKOnıñ Bötendön’ya mirası waqıtlıça isemlegendä. Antik qalada qazınu häm restavraśiyä êşläre professor Cälal Şimşäk citäkçelegendä alıp barıla. Ul 15 meñ keşelek Könbatış teatrında dulqınlandırğıç tabıldıq qazıp çığaruların söyli. “Teatrnıñ säxnä binasınnan könbatışqa taba suzıluçı häm miladtan soñ 5nçe ğasır başında tözelgän qal’gä divarı töbendä 8 metrlı öyem bar ide. Cir teträwlärdä cimerelgän binalarnıñ qaldıqları dip uyladıq. Anı aqtarğanda 2 meñ yıllıq buluı farazlanuçı iskitkeç ruxani sını oçradı,”-dip söyli professor.

Şimşäk sınnıñ 2020nçe yıldağı iñ matur tabıldıqlar êçendä urın aluın   belderä. Başnıñ êşlänü sıyfatı, portret buluı yağınnan ähämiyätle ikäne äytelä. “Bu şähärneñ baş täñrese Zevs ğıybadätxanäseneñ ruxaniye bulırğa mömkin. Yäisä tuqu alihäse Afinanıñ sınıdır. Ämma bu tögäl tügel. Şulay da ber ğıybadätxanäneñ idaräçese buluı añlaşıla. Urta yäş’tän olıraq keşeneke,”-dip añlata arxeologik qazınu törkeme citäkçese.