Tatar yegete Törkiyäne gizä
Ul poputnıy belän şaqtıy şähärdä buldı
Avtostop belän Törkiyä turına çıqqan Tatarstannan 20 yäş’lek student Rodion Qadirov Kastamonu şähäreneň Xanönü ilçäsendä tuqtaldı.
Rodion yıl yarım êlek Antaliyağa kilüen häm avtostop belän Kemer, Finike, Kaş, Fetxiye, İzmir, Denizli, Pamukkale, Isparta, Aksaray, Nevşehir, Änkara, İstanbul, Bolu häm Safranbolunı gizep, Kastamonunıň Xanönü ilçäsenä kilep citüen äytte.
Monda şähär xaqimiyäte başlığı Serkan Uçar tarafınnan uqıtuçılar yortına qunaq buluın beldergän tatar yegete kürsätelüçe qunaqçıllıqtan qanäğat’ buluın açıqladı.
Törkiyä turı qısalarında qıyınlıq kiçermäwen aňlatuçı student: “Küp kenä maşinağa utırdım, şaqtıy urınnı kürdem, bik yaxşı keşelär belän tanıştım. Tarixi, turistik urınnarnı kürü forsatın taptım. Poputnıyğa çığam. Qayber ğailälär maşinalarına utırta. Aşatuçılar, kesä aqçası birüçelär dä buldı,” – dide.
Xäzergä qadär 3500 çaqrım yul uzuın citkergän Rodion Batum aşa Gruziyağa baraçağın häm Ärmänstan, Azärbaycan aşa tuğan yağı Tatarstan başqalası Qazanğa qadär kitäçägen äytte.
Xanönü ilçäsendä berniçä äyber alğan yeget ber maşinağa utırıp, Sinop şähärenä yul tottı.
