Tayger Vuds üz añında

AQŞnıñ Kaliforniya ştatında yul hälakätennän soñ xastaxanägä salınğan tanılğan gol’fçı Tayger Vudsnıñ xäle yaxşıruı häm üz añında buluı belderelde. Bu xaqta 45 yäş’lek sportçınıñ räsmi Twitter akkauntında yazdılar.

Gol’fçı sişämbe könne maşinası belän äylände. Qotqaruçılarğa anı timer-tomır arasınnan kisep çığarırğa turı kilde. Tayger Vudsnıñ ayaqlarında küpsanlı sınıqlar bar ide. Tabiblar qatlawlı operaśiyälär yasap anıñ uñ ayağındağı söyäklärne timer çıbıqlar belän berketep quydı.

Hälakätne tikşerü däwam itä.