Törek fil'mın Gollivud yoldızı da oşattı
Rassel Krow Çanakkale suğışı çorındağı waqıyğalarnı surätläwçe fil'mğa teläktäşlek kürsätte
Yaña Zelandiyäle Gollivud yoldızı häm rejissyer Rassel Krow 15nçe martta kürsätelä başlağan “Törek tuñdırması” filmına sośial’ media aşa teläktäşlek belderde.
Oskarlı aktyer Çanakkalä suğışları waqıtında Avstraliyädä yäşägän ike törekneñ illäre öçen can atuları surätlängän kartinanıñ rejissyerı Can Ulkaynıñ videosın urtaqlaştı. Ul “Törek tuñdırması” , rejissyer monitorınnan küreneşlär. Bez kinotetrlarda.” dip atala.
Fil’m çınbarlıqta bulğan waqıyğalardan alınıp töşerelgän. Anda törek sänğat’çeläre genä tügel, çit il aktyerları da uynıy.
Rassel Krownıñ Twitterda 2 million 700 mennän artıq yazıluçısı bar. Kino yoldızı 2014nçe yılda çıqqan “Sonğı ömet” filmınıñ rejissyerı ide häm töp rol’dä dä uynadı. Ul 1919nçı yılda Çanakkalä suğışınnan soñ Törkiyägä kilep, suğışta yuğalğan 3 balasın êzläwçe Konnornı gäwdäländerde.
