Törkiyӓ ilbaşı Rӓcӓp Tayyip Ӓrdoğan TRT WORLD 2020 forumında

TRT WORLD forumı bıyıl 1-2 nçe dekabr’ könnӓrendӓ “Pandemiyӓdӓn soň dönyada xalıqara tӓrtip hӓm üzgӓrgӓn dinamikalar” iseme astında uzaçaq.

Çara ilbaşı Rӓcӓp Tayyip Ӓrdoğannıň açılış çığışı belӓn başlanaçaq.

Dönyanıň törle poçmaqlarınnan liderlar, belgeçlӓr, ğalimnӓr hӓm tanılğan şӓxeslӓr koronavirus pandemiyӓsennӓn soň üzgӓrgӓn sistema-tӓrtipne TRT WORLD forumında söylӓşӓçӓk.

Pandemiya arqasında bıyıl onlayn rejimda uzaçaq çarada ilbaşı Ӓrdoğan ,yıldağıça, bıyıl da xörmӓtle qunaq bularaq qatnaşaçaq.

2017 nçe yıldan birle uzdırılğan barlıq TRT WORLD forumnarında qatnaşıp Törkiyӓ hӓm dönya kön tӓrtibendӓge mӓs’ӓlӓlӓr xaqında möhim belderülӓr yasağan hӓm bu açıqlawlarına dönya matbuğatında da zur iğ’tibar birelgӓn ilbaşı Ӓrdoğannıň bıyılğı çarada da ӓhӓmiyӓtle belderülӓr yasawı kötelӓ.

TRT World Forum 2020 dӓ ilbaşı idarӓseneň êlemtӓ bülege başlığı Fahrettin Altun, ilbaşı idarӓse süzçese İbrahim Qalın, sӓnӓğӓt’ hӓm texnologiya ministrı Mostafa Varank hӓm tışqı êşlӓr ministrı Mӓvlüt Çavuşoğlu da qatnaşaçaq.

 İlbaşı idarӓseneň êlemtӓ bülege başlığı Fahrettin Altunnıň dönya kön tӓrtibe belӓn bӓyle möhim açıqlawlar yasawı ,uzğan yıllardağı kebek bıyıl da dönyanıň törle poçmaqlarınnan milli hӓm xalıqara qatnaşuçılar belӓn könüzӓk temalarnıň qaraluı kötelӓ.

 "Pandemiyӓdӓn soñ dönyada xalıqara tärtip häm üzgärgän dinamikalar" iseme astında uzaçaq çarada dӓwlӓt rӓsmi zatları törle temalarğa bağışlanğan utırışlarda qatnaşaçaq.

İlbaşı idarӓse süzçese İbrahim Qalın “Pandemiya çorında küp qotıplı dönya: global’ xezmättӓşlekneň  kilӓçӓge”,tışqı êşlӓr ministrı Mӓvlüt Çavuşoğlu “Kovid -19 dan soň dӓwlӓtlӓrara mönӓsӓbӓtlӓrdӓ yaňa çor”, sӓnӓğӓt’ hӓm texnologiya ministrı Mostafa Varank “Pandemiyӓdӓn soňğı dönyada texnologiyӓneň kilӓçӓge” isemle utırışlarda urın alaçaq, bu utırışlarda global’ problemalar tikşerelӓçӓk.

“TRT World Forum 2020”gä terkälü häm çara turında tağın da kübräk mäğ’lümatnı www.trtworldforum.com internet säxifäsennӓn alırğa mömkin.

“TRT World Forum 2020” ne tanıtu fil’me: https://wetransfer.com/downloads/05f3e6016b338ea52ae118ba47bceda120201128061740/fba6f0