Törkiyä robototexnikada öçençe

Törkiyä uquçıları robototexnika yarışlarında täwge tapqır däräcägä ireşte

19 Ağustos 2019 23:23

Bötendön’ya robototexnika yarışlarında Törkiyä täwge tapqır däräcä aldı. Älege çaranı Xalıqara robot sportları federaśyäse berlege 24nçe tapqır oyıştıra.

Yarışlar bu yulı Kön’yaq Koreyanıñ Çangvon şähärendä ütte. Törkiyäne anda İstanbuldan Anadolu imam-xatıyb qızlar liśeyınıñ texnologiyä komandası wäkillek itte. Alar “Ütälä almas mäs’älä” kategoriyäsendä öçençe urınnı yawladı. Anda komandalar uylap çığaru, programmalaştıru häm çişüdä ber-bersennän uzdırırğa tırıştı. Ütälä almas mäs’äläne iñ tiz häm tiyeşençä başqaruçılar arasında Törkiyä uquçıları da bar ide. Şulay itep, il älege yarışta täwge tapqır aldınğı urın aldı.