Törkiyädä tağın ber ähämiyätle tarixi miras

Şanlıurfada YuNESKOnıñ bötendön’ya mirası isemlegenä kergän Göbäklitäpädäge qorılmalarğa oxşağan äsärlärne Xarbetsuvan qalqulığında da oçrattılar.

Andağı qazınu êşçänlege turında Äyyübiyä xakimiyäte başlığı Mäxmät Kuş söyläde. 2014nçe yılda açılğan Xarbetsuvan qalqulığı ul citäklägän rayon üzägenä 55 çaqrım yıraqlıqta. Mäxmät Kuş andağı qazınularnı barıp qaradı häm arxeologlardan êşçänlek xaqında mäğ’lümat aldı.

Xakimiyät başlığı Xarbetsuvan cirlegen turistlarnı qızıqtıruçı cirlek xälenä kiterergä planlaştıruların assızıqlıy. “Tarix monda, tarixnıñ başlanğıçı bu dip isäplim. Xarbetsuvan onıqlarınıñ Göbäklitäpägä küçenülären uylıym. Qazınularda bik citdi açışlar bulaçağın farazlıym. Älege êşçänlekne tizlätep, barlıq yärdämebezne arxeologlar törkemenä biräçäkbez,”-dip söyli Mäxmät Kuş.  

Qazınularnıñ fänni kiñäşçese professor Baxattin Çälik tä Şanlıurfanıñ bik ähämiyätle tarixi-mädäni şähär buluın äytä. “Xarbetsuvan qalqulığında 6 meñ kvadrat metrlıq mäydanda 2 yıldır qazınular alıp barabız. Anda da Göbäklitäpädäge şikelle ğıybadät urınnarı taptıq,”-dip söyli ğalim. Anıñ äytüençä, Xarbetsuvan tarixi yaqtan bik ähämiyätle cirlek bulaçaq.