TRT World Citizen Humanitar fil’m festivale

TRT Törkiyä teleradiokompaniyası “World Citizen” tarafınnan global’ humanitar problemalarnı yaqtırtu maqsatınnan çığıp oyıştırılğan "Humanitarian Film Festival” ("Humanitar fil’m festivale") 26nçı-27nçe mayda törle geografiyälärdän fil’mnarnı İstanbulda täq’dim itäçäk.

TRTdän yasalğan belderügä kürä, keşene häm humanitar qıymmätlärne üzäkkä alğan añlayış belän xäräkät itüçe TRT “"Humanitar fil’m festivale" proyıktın tormışqa aşıra.

Global’ humanitar problemalarnı yaqtırtu maqsatınnan çığıp “TRT World Citizen” tarafınnan 26nçı-27nçe mayda Grand Pera Ämäk säxnäsendä oyıştırılaçaq festival’dä 21nçe ğasırda keşelek dönyası äle haman köräş alıp barğan migraśiya, açlıq häm suğış kebek temalar quzğatılaçaq.

Qatnaşuçılarnı fil’m prodyusserları häm fil’m industriyası professionalları belän oçraştıraçaq festival’ Törkiyä, İran, Franśiya, Kanada, İtaliya, İspaniya, Amerika häm Senegal kebek dönyanıñ törle urınnarınnan 16 fil’mnı täq’dir itäçäk.

Fil’m kürsätü belän bergä rejissyorlar qatnaşında äñgämälär häm ostaxanälär dä ütkäreläçäk festival’dä ikençe kön axırında berençe öçlekkä kergän film’närgä büläklär bireläçäk.

Festival’gä "www.worldcitizenfilmfestival.com" adresınnan terkälergä bula.