Tübän sıyfatlı uglevodlar zararlı

Tübän sıyfatlı uglevodlar belän tuqlanu yöräk awırularına bäyle ülem riskın arttıra.

Bu xaqta Kanadalı belgeçlär citkerä.

“Medical News” beldergänçä McMaster Universitetı häm Xamil’ton Sälamätlek fännäre tarafınnan Cämğıyät’neñ şähär häm awıl êpidemiologiyase qısalarında alıp barılğan êşçänlektä 35-70 yäş’lärendäge 137 meñ 861 keşedän 9 yıl yarım buyı alınğan mäğlümatlar tikşerelde.   

Êşçänlek qısalarında qatnaşuçılarnıñ tuqlanu räweşlären belü öçen anketalar ütkärelde.

Bu waqıt êçendä 8780 ülem häm ülemgä iltä alaçaq 8252 yöräk awıruı küzätelde.

Bu mäğlümatlar yaqtılığında tikşerenü aldınnan yöräk awıruı bulğan keşelärdä yuğarı glikemik indekslı tuqlanunıñ ülem riskın 50%ka arttıruı kürelde.

Şulay uq tübän sıyfatlı uglevod belän tuqlanunıñ bernindi yöräk awıruı bulmağan keşelärdä dä ülem riskın 20%ka arttıruı bilgelände.

Belgeçlär tübän sıyfatlı uglevodlardan bulğan aq ipi, döge häm bäräñgeneñ glikemik indeksı yuğarı buluın citkerde.