23 nçe aprel' çaraları uza

 Bügen Törkiyädä 23 nçe aprel’-Milli möstäqıyl’lek häm balalar bäyräme bilgeläp ütelä.

Balalar bäyräme belän Törkiyä Böyek Millät Mäclese açılunıñ 104 yıllığı uñayınnan Änkarada parlament binasındağı Atatörek häykäle yanında tantana ütte.

Tantanada Törkiyä Böyek Millät Mäclese başlığı Numan Kurtulmuş Atatörek häykälenä çäçäklär saldı.

Numan Kurtulmuş räislegendäge däwlät räsmi zatları Törkiyä Cömhüriyätenä nigez saluçı olı yulbaşçı Mostafa Kämal Atatörekneñ memorial’ istälek qabere Anıtqaberdäge tantanada qatnaştı.

Milli mäğarif ministrı Yosıf Täkin uqıtuçılar häm uquçılar belän Anıtqaberdä buldı.

Ministr Anıtqaber maxsus däftärenä “Xörmätle Atatörek sezdän alğan ilham häm ğaziz millätebezdän alğan köç belän Watanıbıznı üsterü, alğa cibärü qararıbız qatğıy”,- dip yazdı.

İlneñ törle poçmaqlarında bäyrämgä bağışlanğan çaralar uza.