Ärdoğan Amerikağa kitä

Törkiyä ilbaşı Räcäp Tayyip Ärdoğan AQŞ däwlät başlığı Donal’d Trampnıñ çaqıruı buyınça bügen älege ilgä kitä. Êşlekle säfär 12nçe-13nçe noyabr’ könnärenä bilgelängän.

Ärdoğan AQŞta däwlät başlığı Tramp belän oçraşaçaq häm delegaśiyälär arasındağı söyläşülärdä citäkçelek itäçäk.

Anda Törkiyä belän AQŞ arasındağı ikeyaqlı mönäsäbätlär barlıq aspektları belän qaralaçaq. Monnan tış, Süriyäne dä kertep regional’ häm dön’yaküläm mäs’älälär xaqında fiker alışu, terrorçılıqnıñ här töre belän köräş, berdämlek, xezmättäşlek häm koordinaśiyäne köçäytü öçen adımnar xaqında söyläşü kötelä.

Ärdoğannıñ Amerika diyanät üzägenä barıp törek watandaşları, törek çığışlı amerikalılar häm möselman cämäğat’çelege wäkilläre belän oçraşuı da planlaştırıla.