Ärdoğan belän Tramp söyläşte

İlbaşı Räcäp Tayyip Ärdoğan Törkiyäneñ Münbiçtäge iminlek mäs’älälären, waqıtnı yuğaltmıyça, üz qul astına alırğa äzer buluın belderde.  Ul bu xaqta AQŞ däwlät başlığı Donal’d Tramp belän telefon aşa söyläşte.

İlbaşı idaräsennän alınğan mäğ’lümatlarğa qarağanda, äñgämädä ikeyaqlı mönäsäbätlärdän tış Süriyädäge soñğı waqıyğalar telgä alındı.

Ärdoğan uzğan atna Münbiçtä bulğan terrorçı höcümendä ğomere özelgän amerikalılarnıñ qayğısın urtaqlaştı. Ul bu faciğale waqıyğanıñ AQŞnıñ Süriyädän çığu qararına yoğıntı yasaw öçen oyıştırılğan provokaśiyä buluın assızıqladı.

Ärdoğan äytüençä, Törkiyä Münbiçtä iminlekne saqlarğa äzer. Ul separatist terrorçı oyışma PKK häm anıñ Süriyädäge däwamçılarına älege ilneñ tön’yaq- könçığışın totrıqsızlaştıruğa röxsät itmäyäçägen belderde.

İker lider DEAŞ terrorçı oyışmasının Süriyädäge qaldıqların çistartu häm qabat köçäyüenä kirtä quyu öçen çaralar kürü mäs’älälsendä kileşte.