Ärdoğan Fazıl Saynıñ konśertın qaradı

İlbaşı Räcäp Tayyip Ärdoğan tanılğan kompozitor häm ve pianist Fazıl Saynıñ "Troyan sonatası" isemle äsäreneñ Änkaradağı prem'yerasında qatnaştı.

1128941
Ärdoğan Fazıl Saynıñ konśertın qaradı

Änkara säwdä palatasınıñ Congresium üzägendä oyıştırılğan konśerttan soñ säxnägä çığıp Fazıl Saynı täbrik itüçe Ärdoğan tanılğan pianistnı qolliyättä konśert quyarğa çaqırdı.

Fazıl Sayğa Aşık Väysälneñ "Minem tuğrılıqlı yarım qara tufraqtır” plastinkasın büläk itüçe Ärdoğan räxmätlären citkerde.

Annan soñ Ärdoğannıñ xäläl cefete Äminä Ärdoğan belän Däwlät başlığı urınbasarı Fuat Oktay häm Tışqı êşlär ministrı Mäwlüt Çavuşoğlu belän säxnä artına uzğan Ärdoğanğa Fazıl Say konśertka kilgännäre öçen räxmätlären belderde häm imzalı albomnarın büläk itte.

Konśertta Ärdoğannıñ xäläl cefete Ämine Ärdoğan, İlbaşı urınbasarı Fuat Oktay, Mädäniyät häm turizm ministrı Mäxmät Nuri Ärsoy, Tışqı êşlär ministrı Mäwlüt Çavuşoğlu, Milli saqlanu ministrı Hulusi Akar, Milli mäğarif ministrı Ziya Sälçuk, Êçke êşlär ministrı Söläyman Soylu, İlbaşı idaräse süzçese İbrahim Qalın, Ğomum ştab başlığı armiya generalı Yaşar Gülär, “AQ” partiya süzçese Ömär Çälik belän bergä törle oçraşular ütkärü öçen Änkarağa kilgän Amerika Quşma Ştatları senatorı Lindsey Graham da qatnaştı.



Bäyläneşle xäbärlär