Ärdoğan Milli teläktäşlek kampaniyasın başlattı

İlbaşı Ärdoğan kabinet cıyılışınnan soñ yasağan “Millätkä möräcäğät”endä böten dönyanı yoğıntısı astına alğan yaña tör koronavirus (Kovid-19) kizüenä qarşı kürelgän çaralar arqasında awır xäldä qalğan äz keremle watandaşlarğa östämä yärdäm täêmin itü maqsatınnan çığıp “Bez bezgä citäbez Törkiyäm” ("Üzebez üzebezgä citärbez") şiğare belän milli teläktäşlek kampaniyasın başlatuların belderep: "Kampaniyanı 7 aylıq êş xaqımnı tapşırıp açıp cibäräm”, - dip äytte.

Ministrlarnıñ da kampaniyağa quşıluın citkerüçe İlbaşı iñ zur öleş kertüne êşmäkärlärdän häm xäyriyäçelärdän kötülären assızıqladı.

"Hiçber virus bezneñ berlek-berdämlegebezdän tağın da köçle tügel”, - dip äytüçe Ärdoğan Törkiyäneñ sälamätlek saqlaw asqorması, personal, daru häm mediśina äyberläre, intensiv terapiya urını cähätennän başqa illärgä qarağanda yaxşı torışta buluıa belderde.

"(Kovid-19) kizüeneñ berençe könnärennän ük Belem şurabıznıñ kiñäşläre nigezendä sälamätlek saqlaw çaraların kimçeleksez räweştä tormışqa aşırabız”, - dip äytüçe Ärdoğan: "İlebez – töp azıq-tölek êşlänmälären üze citeştergäne öçen häm zapaslarıbız, häm dä täêmin itü çeltärlärebezneñ êşläwe ixtıyacıbıznı qanäğätländerä alaçaq däräcädä”, - dip mäğ’lümat birde.

Kürelgän çaralarnıñ däwlätneñ millätneñ yanında buluın kürsätüenä basım yasawçı Ärdoğan: "Bernindi xastalıq aldıbızdağı yaqtı kiläçäkneñ aldına uza almas. Hiçber yanaw bezne maqsatlarıbızğa citkerüdän waz kiçerä almas. Çönki bez Törkiyä”, - dip çığış yasadı.