Ärdoğan üzeneñ Tramp belän oçraşuı turında söyläde

Törkiyä ilbaşı Räcäp Tayyip Ärdoğan 10nçı -11nçe noyabr’ könnärendä berençe Bötendön’ya suğışına noqta quyğan “Solıx kileşüe”neñ 100 yıllığı uñayınnan bulğan çaralarda qatnaşu öçen Parijğa kitkän ide. Franśiyädän qaytışlıy ul oçqıçta jurnalistlarnıñ sorawlarına cawap birde.

Törkiyä ilbaşı Parijda AQŞ däwlät başlığı Tramp belän oçraşuda Süriyädäge waqıyğalar xaqında söyläşülären belderde. “AQŞ wäqalätle zatları arasında YPG häm qayber başqa mäs’äläldä üz aralarında xäbärdarsızlıq bar şikelle toyıla miña,”-di ul. Ärdoğan Trampnıñ İdlibtäge üzgäreşlärgä zur ähämiyät birüen, Törkiyäneñ andağı uñışların maqtawın assızıqladı.

İlbaşı Süriyädä Färat yılğasınıñ könçığışındağı YPG/PKK qorılışın telgä alıp, bu mäs’äläne çişü öçen AQŞ wäkilläre belän söyläşülär ütkäräçäklären belderde.

 Jurnalistlar Ärdoğannan PKKlı 3 ataman öçen bilgelängän aqçalata büläk turında da soradı. İlbaşı AQŞnıñ çığışın “soñğa qalğan adım” dip bäyäläde. Anıñ fikerençä, amerikalılar YPG belän PKKnı ber-bersennän bäysez oyışmalar şikelle kürsätep, YPGne qanunlaştıru öçen uyın alıp bara.