Çavuşoğlu Ayasofiya häm Ärmänstannıñ Azärbaycanğa höcüme turındağı fikerlären belderde

Çavuşoğlu “TRT Xäbär” kanalınıñ turıdan-turı tapşıruında könüzäk mäs’älälärne bäyäläde.

Ayasofiyanıñ ğıybadätkä açıluınıñ xoquqi yaqtan nigezle qarar buluın äytüçe Çavuşoğlu Ayasofiyanıñ 1453nçe yılda İstanbul ciñep alınğannan soñ törek millätenä bäyle buluın häm mäçet bularaq bağışlanuın assızıqladı.

Çavuşoğlu: "Ayasofiya mäçete 1462dä cämiğ bularaq bağışlanğan häm mäçet bulıp qullanılğan. Bu mäs’älädä “açılırğa tiyeş ide, açılmasqa tiyeş ide, açılmasa tağın da yaxşıraq bulır ide” dip qaraşın äytüçe bulırğa mömkin. Härkemneñ qaraşına quşılmasaq ta xörmät itäbez. Ämma Törkiyäneñ möstäqillek xoquqlarına qatışuçı räweştä yasalğan añlatmalarnı da kisken räweştä kire qağabız”, - dip äytte.

Şul arada Ärmänstannıñ çik buyınıñ Tovuz töbägendä Azärbaycan nığıtmalarına yasağan höcüme belän bäyle bularaq Çavuşoğlu: "Älbättä, Azärbaycan ğaskäre zarur bulğannı yasadı häm bu höcümnärne çigenderde. Monnan bez şunı küräbez, Ärmänstan bigräk tä yawlap alğan cirlärdän iğ’tibarnı başqa urınnarğa yünältergä teli yaña bäreleş mäydannarın buldırıp”, - dip äytte.

Çavuşoğlu bügengä qadär Ärmänstannıñ hiçber çişeleşkä yaqınlaşmawına basım yasap: "Ärmänstannıñ yasağanı qabul itelmäslek. Aqılın cuymasın. Azärbaycan yalğız tügel. Bez Törkiyä Cömhüriyäte häm törek milläte bularaq böten mömkinleklärebez belän Azärbaycannıñ yanında bez”, - dip äytte.

Törkiyäneñ Azärbaycannıñ cir bötenlegen saqlaw öçen qulınnan kilgän här yärdämne kürsätäçägen assızıqlawçı Çavuşoğlu: "Azärbaycan yawlap alınğan cirlär häm Qarabax mäs’äläsendä nindi çişeleş teläsä bez Azärbaycannıñ yanında bulaçaqbız", - dip äytte.