Çavuşoğlu Barzani belän küreşte
Oçraşu Davosta uzdı
Törkiyä tışqı êşlär ministrı Mävlüt Çavuşoğlu Şveśariyäneñ Davos qasabasında uzuçı 50 nçe Bötendönya iq’tisadi forumı qısasında Ğıyraq körd regional’ citäkçelege başlığı Neçirvan Barzani belän küreşep söyläşte.
Oçraşu matbuğatqa yabıq uzdı.
Mävlüt Çavuşoğlu Törkiyäneñ Amerika Quşma Ştatları belän İran arasındağı kiyerenkelektän soñ Ğıyraqqa teläktäşlek kürsätüen,krizisnı çişü öçen zur köç quyuın belderde.
Törkiyä ministrı bu awır däwerdä Ğıyraqnıñ berdämlege häm bötenlegen saqlap qalunıñ ähämiyätenä basım yasadı.
Mävlüt Çavuşoğlu Ğıyraqta mäzhäblär häm êtnik nigezdä bülenü qurqınıçına iğ’tibarnı cälep itep,”Ğıyraq körd regional’ citäkçelege belän mönäsäbätlärne nığıtunı däwam itteräçäkbez”dide.
Törkiyä tışqı êşlär ministrı Ğıyraqtağı problemalarnı iñ qısqa waqıtta çişep totrıqlılıq urnaştıru öçen Törkiyäneñ qulınnan kilgän qadär yärdäm itäçägen dä assızıqladı.
Bäyläneşle xäbärlär
Terrorçılıqqa qarşı köräş
1 ğıynwardan bügengä qadär täêsirsez xälgä kiterelgän terrorçı sanı 748 buldı