Çavuşoğludan S-400 sisteması açıqlawı
Törek ministrı Latviyada xezmättäşe belän matbuğat oçraşuı oyıştırdı
1202669
Törkiyӓneñ tışqı êşlӓr ministrı Mӓwlüt Çavuşoğlu Rusiyӓdӓn alınaçaq S-400 hawa saqlanu sistemaların Törkiyӓneñ kontrol’ itӓçӓgen ӓytte.
Çavuşoğlu Latviyağa yasağan rӓsmi sӓfӓre qısalarında xezmӓttӓşe Êdgars Rinkeviçs belӓn matbuğat oçraşuı oyıştırdı.
Matbuğat oçraşuında S-400lӓr belӓn bӓyle açıqlaw yasağan Çavuşoğlu Amerika Quşma Ştatlarınıñ S-400lӓrneñ F-35 xӓrbi oçqıçlarına yanaw tudıruı dӓğwasına cawap birde.
Törek ministrı: “Süriyadӓ ruslar kontrolendӓ S-400lӓr bar. Amerikan oçqıçları, İzrailneñ F-35lӓre bu töbӓktӓ oçunı dӓwam itterӓ. Norvegiya çigendӓ dӓ S-400lӓr urnaştırıldı hӓm monda Norvegiyaneñ F-35 xӓrbi oçqıçları oça,” – diyep, AQŞ dӓğwalarınıñ çınbarlıqnı çağıldırmawın assızıqladı.