Diyarbakırda terror höcüme

Törkiyädä Diyarbakırnıñ Kulp ilçäsendä utın äzerlärgä baruçı watandaşlar “PKK”lı terrorçılar höcümenä duçar buldı.

 “PKK”lı terrorçılarnıñ quldan yasalğan şartlatqıçlar belän yasalğan höcümendä 7 keşe şähit buldı, 10 keşe yaralandı.

 Yaralanğan keşelär Kulp häm Diyarbakırdağı xastaxanälärgä salındı.

Höcümnän soñ başlatılğan tikşerü qısasında waqıyğa urınında şartlawdan qısqa waqıt uzuğa rayon xakimiyäte avtomobile kürenü säbäple 4 keşene totqaraw qararı çıqtı.

Höcüm belän bäyle 4 şikle keşedän “Xalıqlarnıñ demokratik partiyäse”neñ ilçä başlığı häm Kulp rayon xakimiyäteneñ fän êşläre mödire qulğa alındı.

2 şikle keşene totqarlaw öçen häm höcümnän soñ “PKK”lı terrorçılarğa qarata başlatılğan operaśiyälär  däwam itä.

Törkiyä ilbaşı Räcäp Tayyip Ärdoğan Diyarbakır vilayät’ idaräse başlığı belän telefonnan söyläşep terror höcüme xaqında mäğ’lümat aldı.

İlbaşı terror höcümendä şähit bulğan watandaşlarğa Allahtan yarlıqaw ,yaralanğan watandaşlarğa şifalar teläde.

Ul terror höcümen başqaruçılarnı totqarlaw öçen böten kiräkle çaralar küreläçägenä basım yasadı.

Ärdoğan şähitlärneñ yaqınnarına telefonnan şaltıratıp qayğıların urtaqlaştı.

Törkiyä Böyek Millät Mäclese başlığı Mostafa Şäntop isä terror höcüme xaqında twitter aşa belderü yasap ,tınıç xalıqnı maqsat itep alğan qanlı höcümneñ cawapsız qalmayaçağın citkerde.

”Cömhüriyät xalıq” partiyäse ğomum başlığı Kämal Kılıçdaroğlu da Diyarbakırdağı terror höcümen ğayepläde.