"Ğayeplӓwne kire qağabız"

Törkiyӓ tışqı êşlӓr ministrı Mӓwlüt Çavuşoğlu Ӓnkarağa rӓsmi sӓfӓr belӓn kilgӓn Mal’ta tışqı êşlӓr ministrı Êvarist Bartolo belӓn küreşte.

Awrupa Berlegeneñ tışqı mönӓsӓbӓtlӓr hӓm iminlek sӓyӓsӓte yuğarı wӓkile Josep Borrel’nıñ Ayasofiya açıqlawına reakśiya kürsӓtkӓn Çavuşoğlu tübӓndӓge citkerde: “Borrel’ “Açılmasa, yaxşı bulır ide” dip ӓytsӓ, süzlӓrenӓ xörmӓt kürsӓter idem. “Muzey bularaq qalsaü yaxşı bulır ide” dip ӓytsӓ dӓ borçılmam. Ğayeplӓwne isӓ kire qağabız. İspaniyada da mӓçet bularaq tözelgӓn, annarı çirkӓwgӓ ӓylӓnderelgӓn binalar bar. Bez alarnı ğayeplӓmibez bit.”

Könçığış Urta dingezdӓ hӓrkem belӓn dialogka ӓzer buluların assızıqlağan Çavuşoğlu bolay dide: “Greśiya belӓn dӓ. Greśiya belӓn bolay da Xörmӓtle ilbaşıbıznıñ Greśiya dӓwlӓt başlığı belӓn ütkӓrelgӓn telefon söylӓşüennӓn soñ dialog başlattıq. Ber yaqlı qarşılıq kürsӓtü hӓm çiklӓwlӓrgӓ dӓ qarşı bez, bolarğa bireşmӓbez.”

Mal’ta ministrı Bartolo isӓ Liviya mӓs’ӓlӓsenӓ tuqtalıp, liviyalelӓrneñ ber-bersen ütermӓwlӓren telӓwlӓren citkerde.