İlbaşı Ärdoğannıñ süzläre İzrail ilçesenä zaldan kitärgä mäcbür itterde

İzrailneñ BMO daimi wäkile Gilad Erdan İlbaşı Ärdoğannıñ video yullaması belän qatnaşqan BMO 75nçe Ğomum şura (general’ assambleyası) söyläşülärendä İzrailneñ Fälästingä qarata ''basım, qırıslıq häm qurqıtu säyäsätläre” turında söylägän çaqta zaldan çığıp kitte.

Ärdoğan çığışınıñ şuşı öleşendä bolay dip äytkän ide:

"Öç böyek dinneñ izgeläre urnaşqan Qudüs-Yerusalimneñ xosusıylığına suzılğan pıçraq qul cör’äten arttıra bara. Fälästin xalqı İzrailneñ böten basım, qırıslıq häm qurqıtu säyäsätlärenä yartı ğasırdan kübräk waqıt buyı qarşı tora. “Ğasırnıñ kileşüe” iseme astında Fälästin tarafına köçläp terätelergä tırışılğan birelü dokumentı kire qağılğaç, İzrail bu yulı üzenä yärdäm itüçeläre belän bergä qal’ğanı êçtän yawlap alu kereşülären tizlätte. Törkiyä bularaq Fälästin xalqı rızalıq kürsätmägän hiçber plannı yaqlamayaçaqbız. Qayber töbäk illäreneñ şuşı uyınğa quşıluı İzrailneñ töp xalıqara parametrlarnı tuzdıru tırışularına xezmät itüdän başqa bernindi mäğ’näse yuq. Berläşkän Millätlär Oyışması qararları häm xalıqara xoquq bozılıp Qudüs-Yerusalimdä ilçelek açu niyäten bäyan itkän illär bu totışları belän barı tik tartqalaşunıñ tağın da qatlawlı xälgä kilüenä xezmät itä. Fälästin mäs’äläse barı tik 1967nçe yıl çikläre nigezendä başqalası Könçığış Qudüs-Yerusalim bulğan bäysez, möstäqıyl’ häm geografik däwamlılıq êçendä Fälästin däwläteneñ tözelüe belän xäl itelä alına. Monıñ tışındağı çişeleş êzlänüläre faydasız, ber yaqlı, ğadälätsezder."