İntixar höcümçelärennän cawaplı terrorçını êläkterdelär
Törkiyä êçke êşlär ministrı Söläyman Soylu:"Ul böten dönyada “DEAŞ” terrorçıların intixar höcümnärenä äzerlägän häm ağulap üterergä öyrätkän”
Törkiyä iminlek köçläre Süriyäneñ Azäz qalasında “DEAŞ” terror oyışmasınıñ intixar höcümçelärennän cawaplı terrorçını totqarladı.
Törkiyä êçke êşlär ministrı Söläyman Soylu älege terrorçınıñ Äl Nasır Ubäydä quşamatlı Yosıf Huba buluın belderde.
Ministr äytüençä, Yosıf Huba böten dönyada internet aşa intixar höcüme belän bäyle instrukśiyälär birgän.
Söläyman Soylu:” Yosıf Huba - “DEAŞ” terror oyşmasınıñ bik täêsirle keşese. Terrorçılarnı bomba yasarğa häm anı qullanırğa öyrätkän. 2018 nçe yılda Rusiyädäge bombalı höcümne, Germaniyanıñ Gamburg qalasında säwdä üzägendäge höcümne planlaştırğan häm höcüm başqaru boyırığı birgän keşe. Böten dönyada “DEAŞ” terrorçıların intixar höcümnärenä äzerlägän häm ağulap üterergä öyrätkän”,-dide.
Törkiyä êçke êşlär ministrı Söläyman Soylu Süriyädä terrorçıdan soraw alunıñ däwam itüen belderde.
Bäyläneşle xäbärlär
Şol’ś: “Törkiyä härwaqıt möhim strategik urtaq”
Germaniyä Kanślerı Olaf Şol’ś Törkiyäneñ härwaqıt möhim strategik urtaq buluın äytte
