İran ilçese tışqı êşlär ministrlığına çaqırıldı

İrannıñ Änkaradağı ilçese Möxämmät Färazmändnı Törkiyä tışqı êşlär ministrlığına çaqırdılar. Moña İrannıñ Bağdadtağı ilçese İräc Mäscidineñ Törkiyäne Ğıyraqnıñ suverenlığın bozuda ğayepläp tänqıyt’läwe säbäpçe buldı.

Tışqı êşlär ministrlığı İrannıñ terrorçılıq belän köräştä Törkiyä qarşında tügel, yanında urın aluın kötülären citkerde.  

Möxämmät Färazmändqa belderelgänçä, Törkiyä operaśiyäläre, asılında, Ğıyraqnıñ totrıqlılığı, iminlege häm suverenlığına yanawçı PKK terrorçı oyışmasına qarşı alıp barıla. Häm monı, Ğıyraq dairälären dä kertep, härkem belä.

Şulay uq, Törkiyäneñ Ğıyraq belän soñğı çorda tormışqa aşırılğan yuğarı däräcäle oçraşularda separatist terrorçı oyışma PPKnıñ urtaq yanaw buluı xaqında kileşü täêmin itelüe assızıqlandı.

İrannıñ Bağdad ilçese Mäscidineñ üz çığışında Ğıyraqtağı PKK terrorçıları kiterep çığarğan yanawğa hiç tel-teş tidermäwe iğ’tibarnı cälep itüenä dä basım yasaldı.