Kük yözendä törek qäxwäse häm lokum käyefe

Böten qäxwä söyüçelärne könläştererlek waqıyğa. Törkiyäneñ Muğla töbäge Fätxiyä rayonında paraplaner - oçuçı Xäsän Kaval Ülediñgez östendä yözlägän metr biyeklektä lokum belän törek qäxwäse êçte. Citmäsä, oçqan kileş! Maxsus xäzerlängän caylanma belän paraşyutqa berketelgän östäldä!

Ülediñgez mäxälläsendäge 1965 metr biyeklektäge Babadağ hawa sportları häm yal itü üzäge adrenalinğa susağan häm iskitkeç manzaralarğa ğaşıyq meñnärçä cirle häm çit il turistın qabul itä. Bazada koronavirustan saqlanu çaraları alğı planda. Qunaqlarnıñ sälamätlege häm iminlege öçen här närsä uylanılğan.

Babadağ – Fätxiyäneñ dön’yağa açıluçı täräzäse dip yörtelä. Anda paraplannar belän hawağa kütärelüçelär Ülediñgezneñ şaqqattırğız manzarasın oçar qoşlar biyeklegennän küzätä ala.

Älege baza dön’yadağı iñ yaxşı paraplan üzäkläre arasında. Xäsän Kaval isä qäxwä häm lokumlı ğacäyep oçışı belän cirlekne tanıtuğa häm turizmğa öleş kertergä tırışa. Monnan alda ul kük yözendä nard uynap şaqqatırdı, pijama häm täpkä kigän kileş känäfidä televizor qarap oçuı belän xäyran qaldırdı. Bu yulı hawada su qaynatıp, qäxwä häm lokum belän sıylanuı ayırım ber iğ’tibarğa layıq. 30 minut däwam itkän oçıştan soñ Kaval uñışlı räweştä plyajğa töşep utırdı.