Ministr tabiblar belän söyläşte

Törkiyä sälamätlek saqlaw ministrı Fäxretdin Koca koronavirus xastaların däwalawçı tabib häm mediśina xezmätkärläre belän videoêlemtä aşa söyläşte, däwalaw prośessı turında mäğ’lümat aldı.

Ministrlıqtan yasalğan belderügä qarağanda, Koca koronavirus kizüeneñ dön’yağa da, Törkiyägä dä yanawın äytep, bu awır çorda iñ zur yökneñ mediśina xezmätkärläre iñendä buluın assızıqladı.

“Niqadär awır köräşneñ êçendä buluığıznı beläm. Ber yaqtan, ğomerlärne saqlap qalu öçen köç quyasız, ikençe yaqtan, üzegez dä qurqınıç astında. Awırularnı däwalawğa niqadär irtä başlasaq, sulış alu qıyınlıqları häm reanimaśiyä êtabına barunı şulqadär kübräk çikli alabız,”-dide ul.    

Koca xastaxanälärgä 24 million xirurg bitlege, 3 millionnan artıq 95nçe  nomerlı bitlek, 1 millionnan kübräk saqlawçı kombinezon häm küzlek taratuların da citkerde.

Tabiblar isä ministr Kocağa xastanälärdä Kovid-19 awıruları belän bäyle centekle mäğ’lümat birde häm saqlawçı kiyemnär mäs’äläsendä qıyınlıq bulmawın äyttelär.