Niderlandnıñ ömetläre çälpärämä kilde
Alar üz watandaşları bulğan DEAŞlı terrorçılarnı Törkiyädän alırğa telämägän ide
Niderlandnıñ üz terrorçıların kire alırğa telämäwenä Törkiyä rizasızlıq kürsätte. “Däwamlı çişeleş öçen bu şäxeslärneñ watandaşlıqtan çığarıluları tügel, illärenä kire alınuları häm anda xökem itelüläre kiräk. Bu asılında terrorçılıqqa qarşı urtaq köräşneñ ber öleşe”-dide Törkiyä tışqı êşlär ministrlığı süzçese Hami Aksoy. Ul Törkiyäneñ bäreleş cirleklärendä bulğan çit il terrorçı suğışçılar mäs’äläsendäge poziśiyäseneñ nıq ikänen belderde. İl başqa däwlätlärneñ cawaplılıqların cirenä citkerelüen kötä.
Bäreleş cirleklärendä bulğan çit il keşelären deportaśiyäläw êşçänlegendä bäyläneşle däwlätlär belän koordinaśyä tözelgän häm säfär planlaştıru turında aldan mäğ’lümat cibärelgän.
“Niderlandqa 19nçı noyabr’dä cibärelgän şäxeslär belän bäyle bularaq ta bu räweşle xäräkät itelde, älege ilneñ räsmi dairäläre belän koordinaśiyä buldırıldı. DEAŞ belän köräştä ciñügä ireşülären söyläwçelärneñ bu mäs’älädä öslärenä cawaplılıq aludan qaçuları açıq kürenä,”-dide Aksoy.
Niderland yustiśiyä häm qurqınıçsızlıq ministrı Fred Grapperxaus terrorçı oyışma DEAŞ äğ’zası ike xatın-qıznıñ ilgä cibärelmäwe mäs’äläsendä Törkiyäne künderä almawların äytkän ide. Ul sişämbe kiç belän älege şäxeslärneñ çik aşa çığarıluların “ömet özelü” bularaq bäyäläde.
Niderland prokuraturasınnan belderülärençä, Süriyädän Törkiyägä kiçkän häm deportaśiyälängän 2 DEAŞlı xatın-qız terrorçı Amsterdam aêroportında saq astına alınğan.
