"Räxmät belän iskä alabız"

Ärdoğan cömhüriyätkä nigez salğan ğazıy Mostafa Kämal Atatörekneñ ülemenä 81 yıl tulu uñayınnan belderü yasadı

1303459
"Räxmät belän iskä alabız"

Törkiyä ilbaşı Räcäp Tayyip Ärdoğan cömhüriyätkä nigez salğan ğazıy Mostafa Kämal Atatörekneñ ülemenä 81 yıl tulu uñayınnan belderü yasadı. Ul böyek yulbaşçını xörmät belän iskä aluın belderep bolay dide: “Ğaziz millätebezneñ häm böten dön’yanıñ zur ixtiramın qazanğan lidernı bez belergä, millätebezne bar närsädän artığraq yaratuçı şäxez bularaq yäş’lärebez häm balalarıbızğa añlatırğa tiyeş. Kürelgän awırlıqlar häm berni belän dä çağıştırıp bulmıy torğan köräşne onıtmıyça, berlek häm berdämlektä kiläçäkkä iltüçe fakelnı yaña näsellärgä ämanät itep birü kiräk”.  

Ärdoğan törek milläteneñ şähit qannarı häm veterannarnıñ fidaqar’lege belän yaqlap qalınğan bu watan häm bayraqnı mäñge saqlarğa äzer buluın assızıqladı. Ul Törkiyä cömhüriyäteneñ ütkännän alğan köç belän, barlıq ayaq çalu omtılışlarına qaramastan, nıq adımnar belän alğa baruın häm üsüen däwam itüen äytte.

Belderüdä şundıy yullar bar: “Kiläçäkkä härwaqıttağıdan tağın da zurraq ömet belän tağın da nığraq qararlılıq belän barğanda, bez bügen gazıy Mostafa Kämal Atatörek “iñ böyek äsärem” dip atağan Cömhüriyätebezne saqlıybız, ilebezne tağın da alğa alıp baruçı adımnarnı qurıqmıyça, armıy-talmıyça tormışqa aşırabız. Şuşı uylar belän wafatınıñ 81 yıllığında Cömhüriyätebezneñ tözüçese ğazıy Mostafa Kämal Atatörek häm suğışçan iptäşläre belän watanıbız öçen fidaqar’lärçä şähit häm veteran bulğan barlıq kaxarmannarıbıznı tağın ber qat räxmät belän iskä alabız”.   



Bäyläneşle xäbärlär