Süriyägä gumanitar yärdäm mäs'äläse
Xäleb töbägendäge yaqınça 1 million 300 meñ keşegä yärdäm iltü awırlaşa
Törkiyä Süriyägä yärdämnärneñ tuqtawsız citkerelüe öçen tırışlıq quyaçaq. Tışqı êşlär ministrlığınnan yasalğan yazma belderüdä BMO İminlek şurasında Rusiyäneñ Törkiyä arqılı Süriyägä gumanitar yärdäm cibärelüenä 2 tapqır veto quyuınnan soñ Cilvägözü çik buyı qapqasınnan yärdäm kertüne 1 yıl däwam itü mäs’äläsendä kileşü täêmin itelüe xäterlätelde.
“Şul uq waqıtta, gumanitar yärdäm mexanizmınıñ ähämiyätle öleşe bulğan Öncüpınar-Babüsselame çik kiçüenä bu yulı BMO qararında urın birelmäwe naçar” diyelä belderüdä. Näticädä Xäleb töbägendäge yaqınça 1 million 300 meñ keşegä yärdäm iltü awırlaşa. Bu isä Törkiyäneñ cawaplılığın tağın da arttıraçaq.
Belderüdä şundıy yullar bar: “Bu nisbättän Törkiyä Süriyägä xalıqara gumanitar yärdäm êşçänlegeneñ özleksez däwam itüe öçen tırışlıq quyudan tuqtamayaçaq, äytelgän yärdäm mexanizmındağı üzgäreş kiterep çığarırğa mömkin östämä sınawlarnı xäl itü öçen BMO häm aña bäyle oyışmalarnı da kertep barlıq xezmättäşlär belän koordinaśiyäle êş yörtäçäk”.
