“Terror höcümnäre bezgä yanaw häm qurqınıçnıñ zurlığın xäterlätä”
Bu xaqta Törkiyä tışqı êşlär ministrı Mävlüt Çavuşoğlu belderde
Törkiyä tışqı êşlär ministrı Mävlüt Çavuşoğlu soñğı däwerdä dönya külämendä başqarılğan terror höcümnäreneñ yanaw häm qurqınıçnıñ zurlığın xäterlätüen belderde.
Ul bu xaqta Finlyandiya başqalası Xel’sinkida uzğan Awrupa şurası ministrlar komitetınıñ 129 nçı cıyılışında wäkillek citäkçeläre qatnaşqan utırışta yasağan çığışında citkerde.
Awrupa şurası ğomum särqätibe Turb’yern Yaglandnıñ cıyılış qısasında äzerlägän xisaptağı Awrupada ayırıp qarawğa qarşı köräş häm tigezlek säyäsätlären nığıtu turındağı çaqıruına quşıluın belderüçe Çavuşoğlu süzlären tübändägeçä däwam itterde:”Bolar qarşında demokratiyälärebezgä qurqınıç yanıy. Ğıybadät urınnarına höcümnär könnän kön arta bara. Yaña Zelandiya häm Şri –Lankadağı terror höcümnäre, Amerika Quşma Ştatlarında mäçetkä höcüm häm Awrupada moña oxşaş waqıyğalar bezgä qurqınıçnıñ zurlığın bik açıq kürsätä. Ayırıp qarawğa qarşı saqlaw programmaları bulmasa ,mäsälän êş möräcäğätegez isemegez, tän tösegez yäisä başığızdağı yawlıq arqasında kire qağıla ikän sośial’ xoquqlarnıñ da mäğ’näse qalmayaçaq”.
Çavuşoğlu bäreleşlärne tınıç yullar belän çişü häm Awrupa şurasına äğ’za illär däwlätlärneñ cir bötenlegenä xörmät kürsätüneñ urtaq cawaplılıq buluı kiräklegenä basım yasadı.
