"Terrorçı däwläte tözü xıyalı çälpärämä kilde"

Törkiyä milli saqlanu ministrı Xulusi Akar çik tışındağı xäräkätlär belän Süriyäneñ tön’yağında terrorçılıq koridorı, terrorçı däwläte tözü xıyalınıñ yuqqa çığarıluın söyläde. Ul Törkiyä Böyek Millät mäclesendä ministrlıqnıñ 2020nçe yıl byudjetın täq’dim itkännän soñ xalıq ışanıçlılarınıñ sorawlarına cawap birde.

Xulusi Akar xäräkätlär belän çik buylarınıñ iminlege täêmin itelüen häm 400 meñnän artıq süriyäleneñ öyenä qaytuın belderde.

“Rusiyädän alınğan S-400 hawa saqlanu sisteması êşläyäçäkme?” digän sorawğa Akar: “Êşläyäçäk. Qoru häm öyränü êşçänlekläre tämamlanğaç planlaştırılğan funkśiyä närsä bulsa, şunı başqaraçaq,”- dip cawap birde.

Akar, monnan tış, Törkiyägä F-35lärneñ 4seneñ faktik bularaq tapşırıluın, berseneñ isä garajda kötep toruın xäterlätte.  

Ministr Malatyada F-35lär urnaştırılaçaq urınnarnıñ bilgelänüen dä äytte.