Tön’yaq Makedoniya NATOğa quşıldı
İttifaqnıñ 30nçı berlektäşen Törkiyä täbrik itte
Törkiyä Tön’yaq Makedoniyanı 30nçı berlektäş bularaq NATOğa kerüe belän qotladı.
Tışqı êşlär ministrlığı bu xaqta belderü yasadı. Anda “Tön’yaq Makedoniyanıñ 30nçı berlektäş bularaq NATOğa kerüe bezne söyenderde” diyelä.
Belderüdä bu waqıyğanıñ Balkannarda iminlek häm totrıqlılıq täêmin itüdä ähämiyätle adım buluı assızıqlana.
“Bu äğ’zalıq ber ük waqıtta NATOnıñ dön’yaküläm qıymmätlärne saqlaw nisbätennän mömkinlek häm säläten arttıraçaq. Törkiyä häm Tön’yaq Makedoniya arasındağı tirän duslıq häm xezmättäşlekneñ ittifaq bağı belän yaña däräcägä çığaçağına ışanabız,”-diyelä anda.
Tön’yaq Makedoniya belän NATO arasında kerü protokolo 2019nçı yılnıñ 6nçı fevralendä imzalandı.
NATO ğomum särqatibe Yens Stoltenberg ber kön êlek yazmaça belderü yasap, ilneñ barlıq räsmi prośesslarnı ütüen häm ittifaqqa 30nçı berlektäş bulıp quşıluın citkerde. İrtägä ştabta Tön’yaq Makedoniya bayrağı berketeläçäk.
