Törek tabibı Äfğanstanda mäktäp tözette

Xäyriyäçe törek tabibı Metin Külünk Äfğanstannıñ Cevizcan rayonında 1500 uquçı sıydırışlı 16 sıynıf bülmäse bulğan mäktäp tözette.

“Bu mäktäpne tözegändä ber şartıbız bar ide. Ul - bu uqu yortında törek tele öyrätelü ide. Törek tele uqıtuçısınıñ çığımnarın da bez kütäräbez. Bu mäktäptä uquçılarnıñ xıyalların tormışqa aşırırğa tırışaçaqbız,”-dide  Metin Külünk.

Xäyriyäçe tabib Törkiyä belän Äfğanstan arasında küper tözelü öçen 2 millätneñ dä ber-bersen añlawı kiräklegen citkerde. Ul törekçä belem aluçı balarnıñ Törkiyäne dä, anıñ tarixın häm böyek şäxeslären dä beläçägen äytä.

Külünk mäktäpne sanaq bülmäse häm kitapxanä belän cihazlandıraçaqların belderde. Ul bu uqu yortınıñ belem däräcäsen üsteräçägen, sıyfatlı belem biräçägen häm Törkiyä belän bäyläneşlären arttıraçağın assızıqladı.