Törkiyä bäyräm itä

Bügen başqala Änkarada 19nçı may - Atatörekne iskä alu, yäş’lär häm sport bäyrämeneñ berençe tantanaları Anıtkabirdä uzdı.

Yäş’lär êşläre häm sport ministrı Mäxmät Möxärräm Kasapoğlu yäş’lär belän bergä Atatörekneñ mavzoleyına çäçäklär quydı. Ul Anıtkabirneñ maxsus däftärenä bolay dip yazdı: “Ğaziz Atatörek, Törkiyä cömhüriyäteneñ tözelüenä iltüçe yulda berençe fakelnı yandırğan 19nçı may könen yäş’lärebez belän bergä qabat söyenep häm dulqınlanıp bäyräm itäbez. Ber ğasır êlek xörriyätebez öçen köräşkän cirlärdä bez dä bügen şul uq rux belän cömhüriyätebez häm kiläçägebez öçen tırışabız”.

Samsunda isä Bäysezlek yulında Bandırma paromın simvollaştıruçı häm ul çorda Tämäke pirsı bularaq bilgele urında tözelgän platformada tantana uzdı. Atatörekneñ Samsunğa kilüen kürsätep Törkiyä bayrağın pirstan alıp çıqtılar.

İstanbulda Taksim cömhüriyät häykäle qarşında tantana uzdı.

İlneñ här poçmağında bu data dulqınlandırğıç häm küñelle çaralar belän bilgeläp ütelä.