Törkiyä köymäse Somalida
Somali häm Törkiyä arasında saqlanu häm iqtisad ölkälärendä kileşü imzalanğan ide
Somali häm Törkiyä xökümätläre arasında saqlanu häm iqtisad ölkälärendä imzalanğan kileşü qısalarında Törkiyägä bäyle xärbi köymä başqala Mogadişoğa barıp citte.
Törkiyäneñ saqlanu ministrlığına bäyle köymäne qarşı alu tantanasında Somali däwlät başlığı Xäsän Şäyex Mäxmüt, Somalile ministrlar häm Törkiyäneñ Mogadişodağı ilçese Alpär Aktaş qatnaştı.
Tantanada çığış yasağan däwlät başlığı Mäxmüt: “Törkiyädäge qardäşlärebezneñ xökümäte bezgä küp tapqırlar yärdäm kürsätkän il häm keşelär arasında tora. İlebez häm cir bötenlegebezneñ saqlanuı cähatennän bu – möhim kileşü häm xezmättäşlegenä ışanıp bulğan dus häm qardäş il,” – dide.
Törkiyä ilbaşı Räcäp Tayyip Ärdoğanğa räxmät beldergän Mäxmüt bu kileşü yärdämendä Somali flotınıñ qabat köçäyep, üz diñgezlären berüzläre saqlıy alaçaq däräcägä citäçägen belderde.
Törkiyä belän Somali arasında imzalanğan kileşüneñ ike qardäş il arasındağı köçle êlemtälärneñ kürsätkeçe buluın beldergän ilçe Aktaş isä Somalineñ möstäqıyl’lege häm cir bötenlegeneñ saqlanuı qısalarında Törkiyäneñ yärdämeneñ täwäkkällek belän däwam itäçägen açıqladı.
“Somalineñ qurqınıçsızlığı Törkiyäneñ dä qurqınıçsızlığı bulıp tora. Somalineñ totrıqlılığı turında üz ilebezneñ totrıqlılığı belän bergä uyladıq,” – dide Alpär Aktaş.
Bäyläneşle xäbärlär
Fidannıñ Gambiyädäge ike yaqlı oçraşuları
Gambiyädäge oçraşuları qısalarında Törkiyä tışqı êşlär ministrı Tatarstan Räise belän dä oçraştı