Törkiyä Süriyädäge suütkärgeçlärne tözekländerä

Süriyädä “Solıx çişmäse” xäräkäte qısalarında terrorçılardan çistartılğan Rasulayn häm Tel Abyad rayonnarında gumanitar yärdämgä moxtaclarnıñ yanına Törkiyäneñ ictimağıy oyışmaları aşığa.

Afät häm ğadättän tış xällär waqıtında idarä itü xezmäte, Törek Qızılayı, Keşe xoquqları häm irekläre gumanitar waqıfı, “Diñgez mayağı” cämğıyäte, Şanlıurfa gumanitar yärdäm platforması häm başqa bik küp oyışma Süriyädä xäyriyä êşçänlege alıp bara. Alar aldan uq biredä yäşäwçelärneñ närsägä ixtiyacı buluın öyränep xäzerlände. Törek qorallı köçläre tarafınnan iminlege täêmin itelgän cirleklärdä ictimağıy oyışmalar xalıqqa şäfqat’ qulın suzdı: azıq-tölek, êçä torğan su, gigiyena kiräk-yaraqları tarattılar.

Şul uq waqıtta, “Solıx çişmäse” xäräkäte belän terrorçılardan çistartılğan Xasäkägä torbalar tözekländerelep su birelde.

Milli saqlanu ministrlığınnan yasalğan belderügä qarağanda, Rasulayn, Därbäsiyä häm Xasäkägä xezmät kürsätüçe su ob’yektı barlıq köçenä êşläsen öçen tözekländerü däwam itä.