Törkiyädän çit illärgä böten oçışlar tuqtatıldı

"Hiçbir bäla-qazanıñ bezneñ köçebezdän zurraq bulmawı ışanuına nigezlänep “Kovid 19”ğa qarşı köräşebezne millätebez belän bergä täwäkkällek belän alıp barabız”, - dip äytüçe Ärdoğan millätneñ sälamätlege, xozurı, iminlege häm kiläçäge öçen küreläçäk yaña çaralarnı añlattı:

"Däwlättä bulğanı kebek şäxsi tarmaqta da minimum personal belän irekle êş grafiğı sistemasına küçeläçäk.

Cämäğät transportında bilgele ber yıraqlıqta utıru tärtibe başqarılaçaq.

Piknik mäydannarı, urmannar, tarixi xäräbälär kebek urınnar atna axırlarında yabıq bulaçaq, atna êçendä dä bu urınnarda hiç kümäk räweştä xalıq cıyılmayaçaq.

Xalıqara oçqıç säfärläre tulısınça tuqtatıldı".

İlbaşı Ärdoğan: "Bu barışnı iñ qısqa waqıtta häm iñ äz zıyan belän uzdırğan çaqta aldıbızda bezne yaqtı kiläçäk kötä. Törkiyä bu xastalıqnı ciñä alaçaq köçkä häm mömkinlekkä, millätebez belän kürelgän çaralarnı sizgerlek belän başqaraçaq ziräklekkä iyä”, - dip äytte.