Törkiyäneñ Afrika säyäsäte uñışlı tämamlandı

Tışqı êşlär ministrı Mäwlüt Çavuşoğlunıñ Afrika illäreneñ Änkara ilçeläre belän oçraşqan cıyılışta Törkiyäneñ Afrika illäre belän mönäsäbätlärendä ireşelgän alğarışlar häm 3nçe Törkiyä- Afrika sammitı kebek mäs’älälär quzğatıldı.

Diplomatik çığanaqlardan alınğan mäğ’lümatkä kürä, ministr Çavuşoğlu Afrikalı tulı wäqalätle ilçelär belän comğa könne uzdırğan êşlekle aş mäclesendä Afrika illäre belän ireşelgän täräqqiyätlär belän bergä Törkiyädä uzdırılaçaq 3nçe Törkiyä-Afrika yuğarı däräcäle oçraşuğa qağılışlı barışta Törkiyä-Afrika urtaqlığınıñ tağın da köçäytelüe öçen yasalaçaq adımlar xaqında fiker belän almaşıldı.

Cıyılışta Afrika illäreneñ Änkara ilçeläreneñ Törkiyäneñ Afrikağa qarata iğ’tibar uñayınnan qanäğätleleklären telgä aluı assızıqlandı. Monnan tış Törkiyäneñ Afrika urtaqlıq säyäsäteneñ törle yünäleşlärenä qarağan qaraşların häm täq’dimnären äytüe belderelde.

Törkiyäneñ soñğı yıllarda Afrikadağı illär belän mönäsäbätlärendä ireşelgän täräqqiyätlär belän Afrikağa iniśiativa säyäsäte unışlı tämamlandı. Şul uq waqıtta säwdä külämennän säyäsi dialog mexanizmnarına, mäğarif êşçänlegennän iq’tisadi kapital salularğa qadär şaqtıy ölkädä tiz alğarış täêmin itelde.

Törkiyä Afrikalılarnıñ mäs’äläläre quzğatılğan iñ yuğarı däräcäle platforma üzençälegendäge Afrika Berlege tarafınnan 2008nçe yılda strategik urtaq iğ’lan itelde. Monnan alda 2008nçe häm 2014nçe yılda uzdırılğan Törkiyä-Afrika sammitları mönäsäbätlärne tizlätte. Törkiyäneñ Afrikada 2002nçe yılda barı tik 12 ilçelege bulsa, xäzerge waqıtta 42 ilçe Afrika qitğasında wazıyfa başqara.

Kiläçäktä isä Afrikadağı ilçelek sanınıñ 50gä citkerelüe küzdä totıla. Monnan tış Änkaradağı Afrika ilçelekläreneñ sanı da 10nan 35kä kübäyde.

Şul uq waqıtta qitğa belän bulğan säwdä 2003nçe yılda 3 milliard 680 million dollar däräcäsennän 2018nçe yılda 20 milliard dollarğa kütärelep mönäsäbätlärdäge alğa taba barunıñ anıq kürsätkeçe buldı.