Törkiyäsez bulmıy
NATO citäkçese Törkiyäneñ ittifaq'tağı ähämiyäten añlattı
Törkiyä NATOnıñ kön’yaq qanatı häm Awrupanıñ iminlege öçen ähämiyätle berlektäş. Bu xaqta ittifaq’nıñ ğomum särqatibe Yens Stoltenberg belderde.
Ul Awrupa Parlamentınıñ tışqı êşlär komitetında çığış yasadı häm xalıq ışanıçlılarınıñ sorawlarına cawap birde. Stoltenberg üz iminlege öçen NATO tübäse astında berläşkän AQŞ häm Törkiyädän baş tartmayacağın assızıqladı. İttifaq’ başlığı Törkiyäneñ terrorçı oyışması DEAŞ belän köräştä ähämiyätle öleş kertüen belderde.
“Törkiyä ähämiyätle berlektäş. Törkiyä ber ük waqıtta iñ küp terrorçı höcümenä duçar buldı. DEAŞqa qarşı köräştä ähämiyätle rol’ uynıylar. Ğıyraq häm Süriyä belän çiklären urtaqlaşuçı Törkiyä täêmin itkän infrastruktura bulmasa ide, DEAŞqa qarşı xäzergese şikelle uñışqa ireşä almas ide,”-dide Stoltenberg.
Şul uq waqıtta, NATO ğomum särqatibe üz çığışında Awrupadağı xärbi xezmättäşlek häm urtaq armiyä bäxäslärenä dä qağıldı. Ul Awrupanıñ saqlanuğa kertemen şatlanıp qarşılawların, monıñ NATOğa al’ternativa añlamına turı kilmäwen citkerde.
