Yıldırım Belaruska kitä

Ul Ӓsӓnboğa aêroportında matbuğat oçraşuı oyıştırdı

1086619
Yıldırım Belaruska kitä

Törkiyӓ Böyek Millӓt Mӓclese başlığı Binali Yıldırım Törkiyӓ-Belarus’ mönӓsӓbӓtlӓrendӓ 1 milliard dollar sӓwdӓ maqsatına ireşü öçen êşçӓnleklӓrneñ tığız alıp barılaçağın ӓytte.

Yıldırım Parlament wӓkillege belӓn rӓsmi sӓfӓr yasayaçaq Belarus’ka kitkӓnçe Ӓsӓnboğa aêroportında matbuğat oçraşuı oyıştırdı.

Binali Yıldırım Belarus’ prem’yer-ministrı Sergey Rumas, Belarus’ Parlamentı Cömhüriyӓt Şurası başlığı Mixail Myasnikoviç hӓm Wӓkillӓr Mӓclese başlığı Vladimir Andreyçenka belӓn ber rӓtӓn Belarus’ dӓwlӓt başlığı Aleksandr Lukaşenko belӓn küreşep söylӓşӓçӓgen ӓytte.

Programma qısalarında Törkiyӓ tarafınnan tözelgӓn Minsk cӓmiğına hӓm Törkiyӓneñ yӓrdӓme belӓn tözelgӓn ber balalar baqçasına baraçağın citkergӓn Yıldırım tübӓndӓgeçӓ dӓwam itte: “Belarus’nıñ bӓysezlegen berençe bulıp tanığan il bularaq bu il belӓn Törkiyӓneñ dustanӓ mönӓsӓbӓtlӓreneñ üsterelüe iñ zur maqsatıbız bulıp tora. Xezmӓttӓşlegebez bu ölkӓdӓ uñay bara. Ayıruça soñğı waqıtlarda yuğarı dӓrӓcӓle söylӓşülӓrneñ könnӓn-kön artuı ike il arasındağı sӓyӓsi hӓm iqtisadi mönӓsӓbӓtlӓrneñ dӓ üsüenӓ bulışa. 2019 yılnıñ berençe çiregendӓ Belarus’ dӓwlӓt başlığı ilebezgӓ rӓsmi sӓfӓr belӓn kilӓçӓk. Bu sӓfӓrdӓ mӓğariftӓn alıp iqtisadqa qadӓr ber törkem kileşü imzalanaçaq. Bezneñ sӓfӓrebez 2019da çınğa aşaçaq sӓfӓrgӓ ӓzerlӓnü bulıp tora.”



Bäyläneşle xäbärlär