Gazagystandaky protestlerde jemi 225 adamyň ýogalandygy mälim edildi

Gazagystanyň Baş Prokuory Serik Şalabaýew, ýurtda geçen zorlukly wakalarda 19-y howpsuzlyk güýçlerinden bolan jemi 225 adamyň ýogalandygyny habar berdi. 

Serik Şalabaýew, ýurtda zorlukly wakalar bilen geçen protestlerde ýogalan adamlar barada maglumat berdi. 

Şalabaýew geçiren metbugat ýygnagynda: "Morglara ýogalan 225 adam getirildi, aralarynda 19-y  polisiýa işgärlerinden we esgerlerden ybarat. 3 müň 393-i howpsuzlyk güýçlerinden bolan jemi 4 müň 353 adam bolsa ýaralandy" diýip habar berdi. 

Saglygy goraýyş ministrliginiň metbugat sekretary Asel Artakşinow bolsa ýogalan 225 adamyň 175-siniň saglygy goraýyş merkezlerinde hasaba alynandygyny mälim etdi. 

Gazagystanda 2-nji ýanwarda suwuklandyrylan gazyň bahalarynyň gymmatladylmagy we durmuş-ykdysady ýagdaýlaryň ýaramazlaşmagy sebäpli protest aksiýalar geçipdi. 

Prezident Kasym Žomart Tokaýew, protestleriň jogapkäri hökmünde görülen hökümediň iş başyndan çekilmek baradaky arzasyny kadul edipdi. 

Protestleriň ýaýramagy sebäpli ýurdyň 3 uly şäherinde we 14 welaýatda adatdan daşary ýagdaý düzgüni girizildi. 

Prezident Tokaýew, 11-nji ýanwarda mejlisde eden çykyşynda bolsa ýurtda konstitutsion düzgüniň ýola goýulandygyny habar beripdi.