“Günbatar medeniýetiniň özüne çekijiliginiň zyýanlydygy ýaşlara düşündirilmeli”
Bütindünýä Etnosport konfederasiýasynyň Başlygy Bilal Erdogan günbatar medeniýetiniň özüne çekijiliginiň zyýanlarynyň ýaşlara düşündirilmelidigini aýtdy
Erdogan Türk Geňeşi tarapyndan Stambulda guralan “Türk Geňeşiniň 3-nji Ýaşlar Festiwalynyň” açylyşynda türk dünýäsini emele getirýän ýurtlaryň heniz transport taýdan hem islenýän sepgide ýetmändigini nygtap, döwletleriň arasyndaky uçar, ýük gatnawyny giňeltmek boýunça edilmeli işleriň bardygyny gürrüň berdi.
Türk geňeşine agza ýurtlaryň günsaýyn syýasy we medeni taýdan jebisleşýändigini beýan eden Erdogan, medeni gatnaşyklaryň hasam ösdürilmelidigini aýtdy.
Bütindünýä Etnosport Federasiýasynyň dünýäde milli sportlaryň ýaýbaňlandyrylmagyny isleýändigini nygtan Erdogan, 30-dan gowrak çärä gatnaşandyklaryny we olara 60-dan gowrak ýurtdan wekillerin gatnaşandygyny mälim etdi.
Erdogan türk dünýäsiniň milli sportlary boýunça gowy şertlere eýedigini belläp, Bütindünýä çarwalar otunlarynyň dördünjisiniň 2020-nji ýylda İznikde geçiriljekdigini aýtdy.
Türk Geňeşiniň Baş sekretary Bagdad Amreýew bolsa ýaşlar syýasatynyň Türk geňeşiniň ileri tutulýan ugurlaryndan biridigini nygtap: “Ýaşlar biziň ileri tutýan ugrumyz we geljegimiz. Türk Geňşinde ýaşlar platformasy döredilmeli” diýdi.
Festiwala agza döwletler Türkiýeden, Gazagystandan, Gyrgyz Respublikasyndan we Özbegistandan, myhman ýurtlar Türkmenistandan, Wengriýadan we Demirgazyk Kipr Türk Respublikasyndan 150-den gowrak ýaşlar gatnaşýarlar.
