Gýrgýz Respublikasynyň Prezidenti Žeenbekow özara gatnaşýklaryň ösdürilmegini isleýar

Gyrgyz Respublikasynyň Prezidenti Sooronbaý Žeenbekow Azerbaýjanyň Prezidenti İlham Aliýewiň ýer eýeçiliginde guralan Türki dilli döwletleriň Hyzmatdaşlyk  “Kiçi we orta ululykdaky kärhanalaryň ösdürilmegi” temaly 7-nji Maslahatynda çykyş etdi.

Türki dilli döwletleriň hyzmatdaşlyk geňeşiniň arasyndaky söwda, ykdysady we maýa goýum hyzmatdaşlyk potensialynyň artdyrylmalydygyny nygtan Žeenbekow: “Gyrgyz Respublika Türkiýe, Gazagystan we Özbegistan bilen birnäçe ugurda hyzmatdaşlyk edýar. Azerbaýjan we Wengriýa bilen bilelikdäki telekeçiligiň ösdürilmegi bilen gyzyklanýarys” diýdi.

Žeenbekow Gyrgyz Respublikasynyň gapylarynyň elmyda türki dilli döwletlere açykdygyny nygtap: “Türk geňeşine agza ýurtlaryň jemi milli girdejisi 1,5 trillion dollara barabar. Şol sebäpli bilelikdäki ykdysady şertlerden doly peýdalanalyň. Türk geňeşine agza  ýurtlar bilen ykdysady hyzmatdaşlygy ösdürmek isleýäris” diýdi.

Türki dilli döwletleriň hyzmatdaşlyk geňeşiniň 7-nji maslahatyna Prezident R.T.Erdogan, Gyrgyz Respublikasynyň döwlet Ýolbaşçysy Sooronbaý Žeenbekow, Azerbaýjanyň döwlet Ýolbaşçysy İlham Aliýew, Özbegistanyň Prezidenti Şawkat Mirziýoýew, Gazagystanyň esaslandyryjy Prezidenti Nursoltan Nazarbaýew bilen synçy derejesinde Wengriýanyň Premýer ministri Wiktor Orban, Türkmenistanyň Ministrler kabinetiniň başlygynyň orunbasary Purli Agamyradow, Türk geňeşiniň Baş sekretary Bagdat Amreýew gatnaşdylar.