Orban Türkiýäniň ÝB-ne agzalygy üçin hyzmatdaşlyk etjekdiklerini aýtdy
Wengriýanyň Premýer ministri Wiktor Orban Azerbaýjan we Türkiýe bilen hyzmatdaşlyk etmegiň özlerini buýsandyrjakdygyny beýan etdi
Wengriýanyň Premýer ministri Wiktor Orban ÝB Komissiýasynda goňşuçylyk syýasaty we agzalyk gepleşiklerinden jogapkär agzalyga saýlanan halatlarynda Türkiýäniň ÝB-ne agzalygy üçin hyzmatdaşlyk etjekdiklerini beýan etdi.
Türki dilli döwletleriň Hyzmatdaşlyk geňeşiniň 7-nji maslahatyna gatnaşmak üçin Azerbaýjanda saparda bolýan Wengriýanyň Premýer ministri Orban Türkiýäniň ÝB-ne agzalygy barada beýanat berdi.
Orban: “Wengriýa häzirki wagtda ÝB-de golaýynda dörediljek Komissiýada goňşuçylyk syýasaty we agzalyk gepleşiklerinden jogapkär agzalyga saýlanmak üçin tagalla edýär. Saýlanma ähtimallygymy az däl, emma göreş diýseň çekeleşikli. Eger şol agzalyga saýlanyp bilsek, onda ÝB-niň Gündogar hyzmatdaşlygy maksatnamasynyň çäginde Azerbaýjan bilen agzalyk meselesinde bolsa Türkiýe bilen hyzmatdaşlygymyz bolar. Alyp barjak işlerimizde size goldaw bermek bizi buýsandyrar” diýdi.
Orban şeýlede 19-njy sentýabrda Budapeştde Türk geňeşiniň Ýewropa wekilhanasynyň ofisiniň açylandygyny ýatlatdy.