Dünýäde koronawirus sebäpli ýogalanlaryň sany 38 müň adamdan geçdi

Wirus ýokaşanlaryň sany bolsa 800 müň adamdan geçdi

1388468
Dünýäde koronawirus sebäpli ýogalanlaryň sany 38 müň adamdan geçdi

Dünýäde koronawirus sebäpli ýogalanlaryň sany 37 müň, wirus ýokaşanlaryň sany bolsa 800 müň adamdan geçdi.

Demirgazyk Kipr Türk Respublikasynda, koronawirusa garşy göreşiň çäginde şu günden başlap 21.00-06.00 arasynda köçä çykmak gadagan edildi. DKTR-da koronawirus sebäpli hasaba alynanlaryň sany 69 adama ýetdi.

Eýranda koronawirus sebäpli ýogalanlaryň sany soňky 24 sagatda 141 adam artyp 2 müň 898 adama ýetdi. Epidemiýanyň Eýranda azyndan ýene-de 2 aý täsirli bolmagyna garaşylýar. Maşad şäherinde täze doglan bir bäbejige koronawirusyň ýokaşandygy anyklanyldy.

Russiýada koronawirus sebäpli 18 adam ýogaldy. Wirus ýokaşanlaryň sany 1 günde 500 adam artyp 2 müň 337 adama ýetdi. Ýurtda başgalaryna wirus ýokaşdyranlara 12 müň 300 dollar ýagny 1 million rus rubl jerime salnar ýada 3 ýyla çenli azatlykdan mahrum ediler. Wirus sebäpi başgalarynyň ýogalmagyna sebäp bolanlara  24 müň 600 dollar ýany 2 million rus rubl jerimesi salnar ýada 5 ýyl azatlykdan mahrum ediler.

Koronawirus Azerbaýjanda 4 adamyň ýogalmagyna sebäp boldy, hasaba alynanlaryň sany bolsa 273 adama ýetdi. Ýurtda epidemiýa garşy görlen çäreleriň çäginde köçä çykmak gadagan edildi.

Palestinada koronawirus sebäpli hasaba alynanlaryň sany 116 adama ýetdi. Beýleki tarapdan Gazanyň koronawirusa garşy göreşinde Türkiýäniň guran Gaza Palestina-Türkiýe dostluk hassahanasy kesellileriň bejergisinde uly jogapkärçiligi öz üstüne alar.

Yrakda koronawirus sebäpli ýogalanlaryň sany 46 adama, hasaba alynanlaryň sany 630 adama ýetdi. 152 adamyň bejergisi bolsa tamamlandy.

Ysraýylda Kowid-19 sebäpli ýogalanlaryň sany 18, hasaba alynanlaryň sany bolsa 4 müň 831 adama ýetdi.

Koronawirus Alžide 35, Marokkoda 33 we Iordaniýada 5 adamyň ýogalmagyna sebäp boldy.

Tunisde bolsa koronawirus sebäpli 10 adam ýogaldy, 362 adam hasaba alyndy.


Etiketkalar: #Yrak , #Eýran , #koronawirus

Degişli Habarlar