Dünýäde koronawirus sebäpli ýogalanlaryň sany 574 müň adamdan geçdi
Italiýada epidemiýa sebäpli ýogalanlaryň sany soňky 24 sagatda 13 adam artyp 34 müň 967 adama ýetdi
Dünýäde täze görnüş koronawirus sebäpli ýogalanlaryň sany 574 müň, wirusa ýoluganlaryň sany 13 million 203 müň, wirusy ýeňenleriň sany 7 million 678 müň adamdan geçdi.
Epidemiýanyň merkezi ABŞ-da koronawirus sebäpli ýogalanlaryň sany 138 müň adamdan geçdi. Gallup ylmy barlag firmasy tarapyndan geçirlen sowalnama görä, Demokrat partiýa goldaw berýänleriň 94 göterimi daşary çykýarka maska dakýandygyny nygtaýar. Şol san Respublikan partiýa goldaw berýänlerde bolsa 46 göterim.
Italiýada epidemiýa sebäpli ýogalanlaryň sany soňky 24 sagatda 13 adam artyp 34 müň 967 adama ýetdi.
Fransiýada koronawirus sebäpli ýogalanlaryň sany soňky 3 günde 25 adam artyp 30 müň 29 adama, wirusa ýoluganlaryň sany soňky 24 sagatda 288 adam artyp 206 müň 192 adama ýetdi.
