Fransiýadaky protest ýörişleri ykdysadyýetiň ösüş depgininiň 0,1 göterim aşaklamagyna sebäp bolar

Ykdysadyýet ministri protest ýörişleriniň ýurduň ykdysadyýetiniň ösüş depgininiň 0,1 göterim aşaklamagyna sebäp boljakdygyny aýtdy

1104317
Fransiýadaky protest ýörişleri ykdysadyýetiň ösüş depgininiň 0,1 göterim aşaklamagyna sebäp bolar

Fransiýanyň Ykdysadyýet ministri Bruno Le Maire sary ýeňsizlileriň geçirýän protest ýörişleriniň ýurduň ykdysadyýetiniň 2018-nji ýylyň soňky 3 aýyndaky ösüş depgininiň 0,1 göterim aşaklamagyna sebäp boljakdygyny aýtdy.

Le Maire RTL radiosyna beren beýanatynda 17-nji noýabrda başlan protest ýörişleriniň Fransiýanyň ykdysadyýetiniň ýylyň soňky 3 aýyndaky ösüş depgininiň 0,1 göterim aşaklamagyna sebäp boljakdygyny belledi.

Beýleki tarapdan şenbe güni geçirlen protest ýörişleri sebäpli söwda merkezlerine gelenleriň sanynyň 17 göterim aşaklandygy nygtaldy.

Içeri işler ministrliginiň görkezijilerine görä, sary ýeňsizlileriň şenbe güni geçiren ýörişlerine 136 müň adam gatnaşdy.

Ýörişler bilen arabaglanşykly 1700-den gowrak adam saklandy.

Ýurtda ýangyjyň bahalarynyň ýokarlamagy we ykdysady şertleriň agyrlaşmagy sebäpli 17-nji noýabrda başlan ýörişler soňky ýyllaryň iň uly protest ýörişlerinden birine öwrüldi.

 

 

 



Degişli Habarlar