Hindistanda Hasaba Alynan Kesellileriň Sany 86 Müň 52 Adam Artyp 5 Million 818 Müň Adamdan Geçdi

Dünýäde täze görnüş koronawirus epidemiýasy sebäpli ýogalanlaryň sany 988 müň 172, wirusa ýoluganlaryň sany 32 million 439müň, wirusy ýeňenleriň sany 23 million 945 müň adamdan geçdi.

Hindistanda koronawirus sebäpli ýogalanlaryň sany 1141 adam artyp 92 müň 317, hasaba alynan kesellileriň sany 86 müň 52 adam artyp 5 million 818 müň adamdan geçdi.

Kovid-19 Russiýada 20 müň 56 adamyň ýogalmagyna, 1 million 136 müň adamyň hem hasaba alynmagyna sebäp boldy.

Ysraýylda koronawirus sebäpli ýogalanlaryň sany 1376, wirusa ýoluganlaryň sany 6 müň 499 adam artyp 209 müň 635 adama ýetdi. Ýurtda 18-nji sentýabrdan başlap 3 hepde karantin yglan edildi.

Palestinada epidemiýa sebäpli ýogalanlaryň sany 322, wirusa ýoluganlaryň sany 47 müň 830 adamdan geçdi.

Afrika materiginde Kovid-19 sebäpli ýogalanlaryň sany soňky 24 sagatda 175 adam artyp 34 müň 758, wirusa ýoluganlaryň sany 8 müň 186 adam artyp 444 müň adama ýetdi.

Günorta Afrikada koronawirus sebäpli 16 müň 283, Müsürde 5 müň 835, Marokkoda 1956 adam ýogaldy.