Putin ABŞ-nyň raketa ornaşdyrma meýilnamasyna garşylyk görkezdi

Russiýanyň döwlet Ýolbaşçysy Wladimir Putin ABŞ-nyň Ýaponiýa we Günorta Koreýa raketa ornaşdyrmak hakyndaky meýilnamasynyň halkara howpsyzlygyny hasam ýaramazlaşdyrjakdygyny aýtdy.

Putin Türkmenistanyň paýtagty Aşgabatda geçirilen Garaşsyz Döwletleriň Arkalaşygyna girýän döwletleriň ýolbaşçylarynyň maslahatynda çykyş etdi.

ABŞ-nyň Goranmak ministrliginiň Aziýa raketa ornaşdyrmak üçin taýarlyk görýändigini beýan edendigini ýatladan Putin, ABŞ-nyň Ýaponiýa we Günorta Koreýa bilen gepleşikleri dowam etdirýändigini beýan etdi.

Putin: “Onuň esasy nyşanasynyň kimdigi belli. Bu bizi hoşal etmeýär, çünki bizi gyzyklandyrýar. Raketalaryň nirede ornaşdyryljakdygyna seredilmeli. Emma şol raketalar Russiýa çenli gelip ýetmäge ukyply. Şol sebäpli bularyň ählisiniň halkara howpsyzlygyna goşant goşmaýar, tersine zyýan ýetirýär” diýdi.

ABŞ-nyň Orta aralykly ýadro güýçleri hakyndaky ylalaşykdan çekilmeginiň halkara howpsyzlygyny hasam ýaramazlaşdyrandygyny nygtan Putin, resmi Waşingtonyň bu meseledäki bahanasynyň aslyna seredilende “Aziýa syýasatlarydygyny” ünsi çekdi.