“Siriýada 8 ýylyň dowamynda azyndan 336 gezek himiki hüjüm guraldy”
Siriýada 8 ýyldan bäri dowam edýän içerki uruşda azyndan 336 himiki hüjümiň guralandygy, şonuň 98 göteriminiň hökümete degişli güýçler tarapyndan amala aşyrylandygy habar berildi
Merkezi Germaniýanyň paýtagty Berlinde ýerleşýän Jemgyýet Syýasaty İnstituty tarapyndan “Gizläre zat ýok: Siriýada Himiki ýarag ulanmagyň mantygy” atly habarnama çap edildi.
Germaniýanyň Daşary işler ministrliginiň hemaýat bermegine taýarlanan habarnama görä Siriýanyň hökümeti tarapyndan guralan himiki hüjümler çaklanylýanyndan has köp.
Habarnama görä 2011-nji ýyldan bäri Siriýada azyndan 336 himiki hüjüm guraldy we şolaryň 98 göterimi hökümet tarapyndan edildi. Himiki hüjümleriň 6 sanysy DAİŞ tarapyndan guraldy.
Siriýadaky hikimi galyndylaryň 90 göterimi hökümetiň 2013-nji ýylyň awgust aýynda guran we dünýä jemgyýetçiliginde uly garşylyk döreden hüjümden soň amala aşyryldy.
Siriýada 2013-nji ýylyň 21-nji awgustyndaky himiki hüjümden soň dünýä jemgyýetçiligi hökümetiň öz halkyna garşy himiki hüjüm guramagyna berk reaksiýa bildiripdi. ABŞ-nyň şol wagtky Prezidenti Barak Obama hüjümi “geçilmesi gadagan gyzyl zolak” hökmünde häsýetlendiripdi.
Degişli Habarlar
Gazada Ýogalanlaryň Sany 33 Müň 970 Adama Ýetdi
Ysraýylyň harby goşuny 195 günden bäri Gaza Sektoryny bombalaýar.
Ysraýyl Bilen Hizbullahyň Arasyndaky Çaknyşyklar Dowam Edýär
Ysraýyl, Liwanyň günortasynda ýerleşýän Hiýam etrapçasyna hüjüm gurady.
